Новиот градоначалник на општина Пехчево Александар Китански денес го превзеде раководењето со општинската администрација во ЕЛС Пехчево. Тој во оваа прилика за јавноста соопшти дека воопшто нема да губи време и дека веднаш ќе започне со реализација на предвидените проекти од неговата програма.
Градоначалникот Китански изрази подготвеност за соработка со сите институции и поединци со намера Пехчево да стане подобро место за живеење во наредниот период.
„Време за губење нема. Веднаш започнуваме со работа и реализација на проекти, кои беа дел од мојата предизборна програма. Свесен сум дека нема да биде лесно, свесен сум за предизвикот, но само со напорна работа, трудољубивост и сплотеност, ќе ги оствариме зацртаните цели, да го направиме Пехчево поубаво место за живеење за сите нас. Ја користам оваа прилика да упатам пораки до Собранието и Владата на Република Македонија, бидејќи сите сме свесни дека за дел од проектите, треба финансиски да бидат поддржани од централната власт. Упатувам порака и до советниците на Општина Пехчево – време е за носење на разумни одлуки, одлуки кои ќе не сплотуваат, одлуки кои ќе се гласаат едногласно, за доброто на нашиот град. Упатувам порака и до вработените во општинската администрација – јас ќе подадам рака, тоа го очекувам од вас. Граѓаните на Пехчево очекуваат повисок степен на извршување на обврските. И на крај, упатувам силна порака до ЈКП Комуналец – граѓаните на Општина Пехчево очекуваат, како никогаш до сега, почисто, позелено и поубаво Пехчево“.
-соопшти Градоначалникот на Пехчево Александар Китански.
За авторот на оваа статија
Поврзано
Отчет за проектите на граѓаните на Карбинци: Една Година Градоначалник Виктор Паунов
Општина Лозово-општина без диви депонии е заложбата на градоначалникот Бошко Цветковски
Надлежните служби во Кочани експресно го расчистија сметот кој што беше оставен по панаѓурот во градот