Драган Ковачки: “Заев си оди, т.н. заевизам останува

Драган Ковачки- пратеник во Македонскиот парламент и член на Извршниот комитет на ВМРО-ДПМНЕ на денешната прес конференција од партиското седиште зборуваше за одлуката на Зоран Заев да претстави свој кандидат за претседателското место во СДСМ кој што треба него да го замени.

Тој изрази убедување дека Зоран Заев и СДСМ глумат во т.н. театар со што ќе бираат продолжена рака на досегашниот премиер и дека решението за кризата во Македонија не е во промената на врвот на СДСМ туку нови предвремени парламентарни избори со кои што ќе дојде нова власт во државата.

“Заев си оди, т.н. заевизам останува, СДСМ нема да избере лидер, туку заштитник на криминалот на Заеви и продолжување на заевизмот.

-Синоќа СДСМ приреди театар, со кој зад завесите се избира маша и продолжена рака на Заев. На Заев му треба човек преку кој ќе продолжи т.н. заевизам и ќе ги штити бизнисите на семејството Заеви. СДСМ не избира, Заев избира. Тој веќе им одбрал кандидат кој што членовите на таа партија треба само да го изгласаат. Однапред се знае кој ќе биде наследник на Заев. На Заев му треба човек кој што ќе продолжи да го брише Вице од кривични пријави кога е жив фатен и пријавен во рекетирање на фирми. Му треба човек кој ќе продолжи да ги штити Драги Рашковски и Ден Дончев. Заев на чело на СДСМ ќе постави човек кој ќе молчи за нерасветлените провизии на Филипче. Заев ќе продолжи да ја контролира СДСМ и затоа само за неколку дена ќе избираат кандидати. Со наводното заминување не може да прикаже друга реалност. Народот е сиромашен. Пет години неговите структури прават криминал, не само тој лично туку и целиот тим луѓе околу него се виновни за неодговорноста и трагедиите со загубени човечки животи, за инфлацијата и намалениот стандард, за повисоките сметки за струја на фирмите, за кризата која им се заканува на граѓаните и воопшто за нефункционирањето на системот, затоа што целиот систем работеше за мафијата, а не за народот.

Не е доволно Заев да не биде премиер и претседател на СДСМ, потребни се предвремени избори и нова влада за работите да почнат суштински да се менуваат,”

-рече Драган Ковачки од партиското седиште на ВМРО-ДПМНЕ.