Министерката за култура Ирена Стефоска денеска на прес конференција во Владата го презентираше предлог буџетот за култура за наредната 2022 година.
Во продолжение се дадени клучните параметри на буџетот за култура кој во споредба со буџетот за култура за тековната 2021 година е зголемен за 1.5 милиони евра повеќе:
“Предлог-буџетот за културата за 2022-ра година изнесува три милијарди 855 милиони 548 илјади денари или 62 милиона 692 илјади евра. Тоа е скоро 10 милиони евра повеќе од буџетот со кој располагавме оваа година.
За поддршка на проекти од Национален интерес во културата за 2022-ра, од буџетот се издвоени над 17 милиони евра. Тоа е над 1 и пол милион евра повеќе за оваа намена од средствата со кои располагавме за проектите во оваа година.
Во фокусот на буџетот за 2022-ра се капиталните инвестиции и санации во културата во висина од близу 10 милиони евра . Овие средства се наменети за:
-втората фаза од изградбата на Турскиот театар во Скопје,
-реализација на следната фаза од изградбата на Театар и библиотека во Тетово,
-завршни работи на Театарот во Струмица,
-втора фаза од реконструкцијата на Театарот во Куманово,
-втора фаза од реконструкцијата на Центарот за култура во Кочани,
-втора фаза од реконструкцијата на Центарот за култура во Гостивар,
-реконструкција и санација на покривот на Националната универзитетска библиотека Св. Климент Охридски во Скопје,
како и за други проекти кои ќе бидат одобрени во годишната програма од областа на инвестициите за 2022 година наменети за објектите во кои се сместени културните установи.
Заштитата на културното наследство останува наш врвен приоритет. За таа цел, оваа година буџетот на Министерството и на Управата за заштита на културното наследство е близу 194 милиони денари или 3 милиони и 200 илјади евра.За програмата Културно наследство во опасност, која ја поставивме за прв пат во буџетот за оваа година, останува истата висина на средствата -12 милиони денари.”
-соопшти Ирена Стефоска од денешната прес конференција во Владата.
Поврзано
Катастрофалниот рејтинг на СДСМ- причина за бегството од избори. Мнозинството граѓани подготвени за избори
После легендарните хвалоспеви за Зоран Заев сега и Димитар Ковачевски може да се вброи во редот на хвалоспевани политичари
Христова: Преку Пенов владата ќе добие уште еден послушник, за да ги задоволи неговите апетити