НАШИ ПРИЈАТЕЛИ

www,agrar.mk
www.intlegis.com
www.palma.mk
www.rcz.delcevo.org.mk
www.bregalnicki.mk
www.digilit.rcz.org.mk
www.destinationdelcevo.mk
www.hope.mk
февруари 28, 2024

Македонски Тајмс

Охрабри го светот

Нема поубаво! Македонски дечиња од цел свет на Македонски јазик ги честитаат празниците

Пренеси ја вистината

Здружението на наставници по Македониски јазик, литература и култура од земји низ целиот свет на најубав можен начин ја честитаат новата 2024 година и Божиќните празници.

Овие горди репрезенти и носители на Македонскиот идентитет во странските земји каде што живеат и работат на целокупната Македонска и светска јавност им покажуваат како се сака и се создава за својата татковина без разлика што нивните животни патишта ги однеле во туѓина.

По повод новогодишните и божиќни празници објавија видео на кое се застапени дечиња-ученици кои штоп во текот на цела година работат и учат Македонски јазик и култура заедно со нивните ментори.

Од Австралија, Канада, Европа, Балканот наставниците по Македонски јазик создале иднина за зачувување и развој на Македонскиот јазик и култура помеѓу Македонците секаде каде што ги има на сите светски меридијани.

Плодот на нивната работа може да се види во видеото во продолжение:

Да се биде Македонец и Македонка надвор од географските граници на својата земја со себе носи многу предизвици. Како наставници и професори по македонски јазик сегашноста ни нуди да бараме начини и модели за тоа како да дејствуваме како просветни работници во земјите во кои што живееме и да дејствуваме во насока на зачувување на македонскиот јазик. Ние, ги учиме нашите ученици да зборуваат на македонски јазик, ги учиме да пишуваат со кирилично писмо, ги учиме како се сака и почитува нашиот фолклор и што е традиција. Нашата задача е многу одговорна и благородна. Да им јa пренесеме љубовта кон земјата од која потекнуваат, да бидеме мостот по кој тие уште од најраното детство ќе чекорат храбро и гордо. Да ги научиме да знаат колку е важно да се идентификуваат себе си, колку е голема нашата земја надвор од нејзините граници и дека е важно да знаат да ја имаат душата на својот народ и добрината на истиот.

Здружението на наставници по македонски јазик во светот во пресрет на еден од најубавите празници Божик подготви снимки од сите делови на светот. Наставниците и професорите со своите ученици подготвија свои снимки преку кои на македонски јазик испраќаат најубави желби. Учениците кои учествуваат во овој проект се среќни што зема учество и го даваат својот допринос. Погледенете ги учениците од Канада, Европа и Австралија. Се надеваме дека ќе ни се придружат и ќе не поддржат уште многу наши колеги и колешки.

Ние, како ментори на нашите ученици се надеваме дека љубовта со која тие го учат македонскиот јазик ќе расте и дека секоја нова учебна година во сите делови на светот ќе се отвараат нови училишта во кои ќе се учи и зборува на македонски јазик.

Нека пламенчето на надеж силно гори и ни го осветлува патот. Македонскиот јазик со сета своја убавина нека го учат и зборуваат сите Македонци каде и да се. Македонци во Македонија, Македонци во светот Ви посакуваме среќни празници.

Христос се роди! Вистина се роди!

„Здружение на наставници по македонски јазик во светот“

Кординатори на проектот:

– Ivana Brezovec, професорка по македонски јазик во Република Хрватска и

– Анастасија Гашко, професорка по македонски јазик во Сојузна Република Германија.

Видео монтажа: Kircho Anastasov

-стои во објава покрај видеото објавено на социјалните мрежи.

За авторот на оваа статија