Денеска од пред партиското седиште своја изјава за медиумите имаше Мартин Костовски кој што е пратеник на СДСМ во Македонскиот парламент. Тој во јавноста реагираше во врска со работењето на градоначалникот Макесим Димитриевски кој неодамна победи на локалните избори против својата матична партија СДСМ.
Во продолжение интегрално го пренесуваме текстот на неговата прес конференција:
“Почитувани граѓани, почитувани новинари,
Лажниот социјалдемократ Максим Димитриевски уште во првите денови започна со одмазда кон своите политички неистомисленици.
Над 20 вработени лица во Општина Куманово овие денови се распределени на пониски позиции или се преместени да работат на други локации.
Причината за преместувањата и деградирањата е само тоа што овие луѓе се истакнати активисти и членови на СДСМ.
Ова е класичен политички реваншизам и самоволие на градоначалникот Димитриевски, постапка која потсетува на едни режимски времиња.
Со ваквите постапки се покажа недемократското и неодговорно лице на Максим Димитриевски кој решил заради лични каприци, да се пресметува и казнува луѓе кои со години и децении работат во општината.
Јасно ни е дека Димитриевски ќе продолжи со притисоците, но и нему треба да му биде јасно дека со ваквиот однос нема да исплаши никого.
Кумановци и кумановки не попуштаат пред притисоци и закани, а Куманово е бастиниот на СДСМ и социјадемократијата.
На овој начин, Димитриевски не само што не може никого да заплаши, туку тој само си го покажа вистинското лице пред цело Куманово.
На крајот, апелираме до секој еден кој е под притисок на Димитриевски, истото да го пријави, СДСМ ќе стори се за да го заштити секој поединец кој се соочува со закани, со притисоци и уцени од страна на градоначалникот.
Времето на режимски постапки, на самоволие на функционерите заврши.”
-соопшти пратеникот Мартин Костовски од СДСМ.
Поврзано
Катастрофалниот рејтинг на СДСМ- причина за бегството од избори. Мнозинството граѓани подготвени за избори
После легендарните хвалоспеви за Зоран Заев сега и Димитар Ковачевски може да се вброи во редот на хвалоспевани политичари
Христова: Преку Пенов владата ќе добие уште еден послушник, за да ги задоволи неговите апетити