НАШИ ПРИЈАТЕЛИ

www,agrar.mk
www.intlegis.com
www.palma.mk
www.rcz.delcevo.org.mk
www.bregalnicki.mk
www.digilit.rcz.org.mk
www.destinationdelcevo.mk
www.hope.mk
март 29, 2024

Македонски Тајмс

Охрабри го светот

Шилегов оставил долг од 160 милиони евра во Град Скопје, обвинуваат од ВМРО-ДПМНЕ а од СДСМ демантираат

Пренеси ја вистината

Денеска на прес конференција од партиското седиште Стефан Андоновски од ВМРО-ДПМНЕ во јавноста обелодени скандалозни информации за работењето на претходниот градоначалник на Град Скопје Петре Шилегов.

Во продолжение во целост ја пренесуваме неговата прес конференција:

“Град Скопје е оставен во огромни долгови од расипничкото владеење на СДСМ. Петре Шилегов остава долг од 160 милиони евра по најразлични основи. Буџетот на градот е оставен на милост и немилост на добавувачите.

Прва и најголема ставка се идни обврски по веќе склучени договори од страна на Шилегов, како и доспеани и недоспеани обврски од 58 140 000 евра. Тоа значи дека градот веќе должи над 58 милиони евра за договори кои Шилегов нелегитимно ги склучувал за во иднина. За кога знаел дека нема да биде градоначалник. Тука спаѓаат трошоци за рекламирање, анкети, невладини организаци блиски на Шилегов, непродуктивни трошења. Дел од овие обврски, како што беше предновогодишното китење на градот, новата градска администрација успеа да ги скрати. Но, остануваат сериозни суми средства кои во понатамошниот период ќе треба да се исплаќаат. Понатаму, 11 380 000 евра се веќе наменети за отпочнати постапки за склучување на договори по однос на јавни набавки во 2021 година. Градот Скопје има склучено и вкупно 7 договори за заем и можности за идни кредитни задолжувања и тоа 4 договори со Светска банка, 1 со ЕБРД и 2 договори со домашни комерцијални банки и сите тие во вкупна висина од 32.082.374 евра. Тука спаѓаат кредитите за мегаломанските проекти за мостот АСНОМ кој води до приватни домови и дворови. Проектот за Момин поток каде што нема никакво решение за откуп на приватно земјиште, куќи и стопански објекти. И проектот без проект – Бас Рапид Транзит – кој предвидуваше рушење на паркови, опасност за водоснабдувањето на Скопје и хаос во сообраќајот. Само овој последниот проект, освен 70 милиони евра кредит, не предвидуваше дополнителни средства за изградба на потребниот мост помеѓу Карпош и Влае, за дислокација на водоводни цевки, за дополнителни сообраќајни решенија потребни за реализација. Ова се пари фрлени во воздух. Без никаква реална добивка за граѓаните. Со сите овие расходи, доспеани и недоспеани обврски и кредити од банки се во вкупен износ од 158 милиони 196 илјади 797 евра. Ова се пари кои можеше да се наменат за реални проекти од кои бенефит ќе видеа сите граѓани. Вака, никој сѐ уште не може да знае каде се се трошеле парите на граѓаните.

Почитувани, најавуваме дека за трошењето на сите средства на градот се води темелна внатрешна ревизија. Доколку се утврдат неправилности, поранешниот менаџмент на градот и јавните претпријатија ќе сносат одговорност во согласност со закон. Парите на граѓаните не смее да се трошат на непотребни желби и хирови на носителите на власта.”

-соопшти Стефан Андоновски од ВМРО-ДПМНЕ

Ваквите информации од владеачката СДСМ ги демантираа како неточни во свое партиско соопштение.

“Тотална неспособност покажува Данела Арсовска во првите два месеци од мандатот.

Арсовска и ВМРО-ДПМНЕ наместо да се фатат за работа секојдневно бараат алиби за нивната неспобност.

Прекинат проект за Бас рапид транзит, прекината изградба на два моста, поништен оглас за вработување на пожарникари, Скопје во сообраќаен хаос, тоа е „успесите“ на Арсовска и ВМРО-ДПМНЕ во првите два месеца.

Дури и градоначалници од нејзината коалиција се жалат на неспособноста на Арсовска.

ВМРО-ДПМНЕ не може да ја покрие неспособноста на Арсовска со лажни податоци.

Не се точни пласираните информации за долгот, тоа е уште една лага.”

За авторот на оваа статија